O Paseo Marítimo foi o escenario elixido polo Concello de Sada e os
colectivos Peneira, Inclusión, Clube de Baloncesto en Cadeira de Rodas
San Roque, Cruz Vermella, Ergosaúde, Aspace, Ebiotec e Fundación
ONCE para organizar a I Xornada de Discapacitados Hoxe síntome
coma ti, cuxo primeiro obxectivo pasaba por concienciar á cidadanía
da necesidade de supresión de barreiras arquitectónicas. Quedan
moitas cousas por facer, pero pouco a pouco, con este tipo de iniciativas,
imos saldando a débeda que a sociedade ten cos discapacitados , recoñeceu
o alcalde, Ramón Rodríguez Ares, durante a presentación
do programa de actividades.
REDACCIÓN SADA
Durante toda a xornada, decenas de sadenses e visitantes tiveron a oportunidade
de coñecer de primeira man os obstáculos e dificultades de acceso
cos que os que estes colectivos se atopan cada día nas rúas.
Demostración > Ao mediodía, os concelleiros de Educación
e Recursos Humanos, Marcos López Mallo e María del Mar Fernández
Linares, acercáronse ata a praza dos Irmáns Suárez Picallo
e comprobaron por si mismos as dificultades do manexo dunha cadeira de rodas.
A súa participación no Circuito de Accesibilidade chamou a atención
dos curiosos, que tamén puideron observar os últimos avances
da tecnoloxía para facilitar a mobilidade e o manexo dos medios de
locomoción por parte dos usuarios.
Pola tarde organizáronse varias actividades deportivas, entre elas
partidos de baloncesto.