artigo 2. os dous grandes proxetos de
Inclusión.
Resumo
Presento de forma resumida e comprensible os dous proxectos básicos de
Inclusión: o Centro de Inserción socio-laboral Inclusión (CISI), que se situará
nos nosos terreos de Poio e o centro de Infancia Ludoteca Inclusión que se
situará nun amplo e
luminoso baixo que Inclusión ten alugado
por 7 anos na localidade de
Sada. Son dous ambiciosos proxectos
que polo seu volume requiren cofinanciación da UE para os investimentos
precisos para a súa implantación. Neste
número van tamén artigos dos
dous mozos que se farán
cargo de levar a bo fin ambos proxectos:
Luís e Carolina. Intento contarlles o fío dos proxectos e non pararme en cada un deles
para que sexan os propios encargados os que vaian asumindo a responsabilidade de transmitir o que fan, por que o fan e
como o fan,... non entanto se teñen
algunha dúbida aclararémoslla gustosamente.
Luís asumirá a dirección do CISI e
a coordinación xeral e Carolina será a nosa ludotecaria xefe e asumirá temporalmente, e esperemos que por pouco tempo por asumi-las unha terceira persoa,
os labores de secretariado e dirección de Inclusión A Coruña.
Inclusión realiza grande número de actividades, é unha
asociación dinámica, e ademais as actividades a
desenvolver e o apoio dos poderes públicos vai en progresión, diriamos xeométrica ao longo dos seus xa case catro
anos. No entanto estes dous proxectos singulares supoñen unha transformación
cuantitativa (que non cualitativa) importante.
O proxecto de Poio xa foi
resolto favorablemente no periodo entre a anterior
revista e esta, sendo valorado en 235.441,8€, ao proxecto asignóuselle unha subvención do 77,25 % isto é
181.878,79€ pero por deficiencias orzamentarias da axencia de desenvolvemento local só puidéron asignarnos 163.000€
quedando 21.878,79 aprobados pero pendentes dunha asignación ou reasignación orzamentaria posterior. Aínda
así, seguimos crendo na viabilidade do noso proxecto estrela. O outro proxecto tamén foi aprobado pero a
asignación económica irá nun periodo posterior. E xa se vén asomando un terceiro proxecto de cooperación
internacional con México.
Introdución
A realización das múltiples actividades que leva a cabo Inclusión fai precisa unha infraestructura
básica e de aí nace a idea de crear e dotarnos do
Centro de Inserción Socio-Laboral Inclusión (CISI), que fará
ao mesmo tempo de centro de
formación socio-laboral e de base central e estratéxica.
É a primeira e máis
importante infraestructura planificada por Inclusión, tanto pola
súa calidade, como
temporalmente e atópase nunha
fase moi avanzada.
Suscita unha construción
con accesos adaptados e armónica co incomparable marco onde se sitúa (ría de
Pontevedra).
Destinarase, como xa
avanzamos a dúas cousas
fundamentalmente: formación dos diversos colectivos cara ao
emprego (e procura e seguemento
deste)/deste:, en definitiva á súa inserción
social polo emprego e ocuparase
tamén da dirección xeral da
asociación. Neste edificio central, compartindo espazo físico e sendo
útil para ambas funcións, situarase
a nosa biblioteca, tradicional e informática, que dispoñerá de subsedes en cada local de Inclusión
(biblioteca que pese a non avanzar todo o aprisa que desexo
xa pasa dos 200 exemplares
e urxe a tarefa de
organiza-la). O plano final deste edificio pode ser xa consultado, ata hai unha reprodución en tres dimensións.
Posteriormente observásense algunhas
carencias de dotacións básicas (en especial na zona norte) e xorde a idea do
centro de infancia-ludoteca Inclusión con dous obxectivos claros: o xogo da
infancia (que ademais educa) e o respiro familiar que
posibilita unha maior igualdade home muller e permitirá á muller
acceder a un traballo en condicións
máis igualitarias con respecto ao
varón.
Na ludoteca, como é lóxico,
situarase a maior parte da
literatura infantil.
É pois un centro con dous obxectivos claros, a infancia e o traballo
das mulleres-nais.
Ademais a situación
física (Provincia da Coruña) dese centro posibilita unha
axuda, para a xestión, da
diputación herculina, que comparte os obxectivos de evitar a exclusión do sexo feminino e posibilitar a súa igualdade co varón. E é alí onde
situaremos, co seu tempo, a xestión
de toda a zona norte da asociación, particularmente activa é Inclusión A
Coruña.
Suscitamos pois, dous proxectos singularmente importantes para a asociación: un
central, o de Poio, que se suscita á súa vez para atender a todos os colectivos e á comarca de
Pontevedra e por extensión ao sur de Galicia e outro, a ludoteca, para atender aos
individuos da Coruña e por extensión aos do norte.
Paralelamente a estes grandes proxetos
a asociación continuará o seu labor de divulgación
que se verá reforzada coas sinerxias
que cren estes dous importantes proxectos.
O terceiro proxecto que se aveciña será de
cooperación internacional.
CISI Poio
Empezarei cronolóxicamente, a máis diso, por ser a infraestructura prioritaria, sinalando os avatares do CISI de Poio.
Esta importante infraestructura xa aparece recollida con toda a amplitude
que se precisa en este e outros apartados da web, dada a súa enorme
importancia no devir desta
asociación, pero non entanto, para aqueles que sentan curiosidade, nun ou outro extremo, que pregunten e
daráselles toda a información que temos.
A razón de ser do CISI é o emprego de colectivos en
situación ou risco de exclusión na
convicción de que o traballo normaliza, a máis diso unha
articulación do territorio que non pode ser indiferente ao
uso nin ao lugar en que se desenvolve.
No artigo de Luís Leiro atopasen
sen dúbida maiores detalles
de como vai o proxecto
(administrativa e ata políticamente falando) pero eu como presidente quero facer
constar que a nosa decisión como colectivo, e máis aló a miña persoal, que avalo o proxecto, é
firme.
A idea orixinaria do proxecto
é a seguinte, integrar recursos humanos en risco de
exclusión en actividades produtivas e integrar o
territorio, Poio- ría de Pontevedra, como axente dinamizador e activo.
Iso culminaría o noso labor no Sur de Galicia.
O proxecto do CISI dedicarase
á ría de Pontevedra e paralelamente situarase alí físicamente a sé central de Inclusión, a Asociación
suscita unha total autonomía das sedes.
No periodo deste número por fin prodúcese
a asignación definitiva que ascende a 181.878,79€
resultado de aplicar a porcentaxe obtida
de 77,25 % sobre o orzamento elexible
235.441,8€ ligeramente inferior ao proposto 335.847.74€ pero aínda
así suficiente para realizar o proxecto.
A axuda limítase ademais na súa concesión a 163.000€ pola disponibilidade de recursos
actual da ADR, algo máis porque os “flecos” xogaron a favor esta vez. Aínda
así é de esperar que se aumentan os recursos se de unha
asignación íntegra.
Iso implica un troco
cuantitativamente importante nos fondos da asociación, pois
primeiro eramos unha asociación voluntarista, con patrimonio 0 como recollen os nosos estatutos fundacionais, para pasar a posuír
un patrimonio propio coa adquisición de terreos, a obtención de permisos e agora de axudas vinculadas a isto e en
breve gozaremos do edificio.
Ludoteca Inclusión
O segundo proxecto de maior
peso é sen dúbida a constitución dunha
ludoteca en Sada (provincia-comarca e contorna da Coruña), no local que
Inclusión ten alugado a tal fin.
Trátase dun proxecto
totalmente distinto e independente do anterior.
Este proxecto posúe unha subvención para a súa xestión de 8.992€ da diputación da Coruña con cargo o ano
2006, na liña de
posibilitar maior igualdade
home-muller.
Tamén acudiu a financiamento comunitario
aínda que o proceso iniciouse
con posterioridade, e a día de hoxe
aínda non está resolto pero
contamos con todos os pronuciamentos favorables e imos dando pasos firmes cara á súa
consecución.
O expediente comunitario está aprobado, pero á espera de fondos, aínda que se atopa nun 5º lugar (próximo) á consecución de fondos.
A porcentaxe é elevada 79,20% e a cuantía aprobada
importante para a asociación (82.512,12€) o que permitiría un investimento sen apertarse o
cinto, cousa que nos veremos obrigados
a facer en caso de ter que afrontar o investimento na súa totalidade, con fondos
propios, este redimensionamento tería
lugar para garantir a viabilidade do proxecto aínda que todo parece
facer ver que non será preciso.
A subvención á xestión
(e primeiros pasos) están financiados a través a
diputación da Coruña e o primeiro expediente estará ao cobro en breve asi como xa están solicitadas outras dúas axudas autónomas e
compatibles coa da UE.
Tamén se
solicitarán axudas ao emprego das novas encargadas a levar a bo
fin este proxecto.
Trátase de dous
proxectos diferentes na súa concepción pois parten de dúas contornas e comarcas con necesidades moi distintas e o seu público obxectivo “target” é radicalmente
distinto. Con eles Inclusión suscita abarcar dúas
realidades moi diferentes a do norte e a do sur de
Galicia.
Posteriormente afrontarase
un proxecto de cooperación internacional cos compañeiros de CEIDIR (Mexico)
destacando ademais que o seu
diretor xa colaborou nun número anterior desta revista e eu xa colaborei na
súa Ceidir review.
Fondos estrucurais
Para a financiación da elevada inversión inicial precisa en ambolos proxectos principais, Inclusión
acudiu ás
convocatorias oficiais dos fondos FEDER, no caso da zona norte xestionados
a traves de Terra das
Mariñas e no caso da zona sur xestionados pola asociación
Comarca de Pontevedra.
O que corresponde a
zona sur se iniciou
con moita anticipación sobre o da zona norte presentando xa
unha comunicación de concesión de axuda
anterior, de data 10 Novembro 2006, lonxe do 29 de xuño do 2005
no que o comezabamos.
Pero a súa resolución é feliz e positiva o fin, agora
a esperar que o expedente da ludoteca (tamén comezado fai tempo) teña igual fin.
No expedente de Sada nos atopabamos agora nunha situación
difícil, aprobados pero sen fondos, co cal non podemos facer nada polo expedente posto que reune toda-las condicions esixidas. De todas
formas a situación non é desesperada posto que somos o quinto proxecto
en orde de esa situación, o que nos posiciona ben cara a unha segura repesca de
proxectos. Outras dúas alternativas serían a financiación autónoma (a traves de AGADER) ou retomar a súa presentación
cara a fondos 2007-2012.
O proxecto reune
toda-las condicions para ser beneficiario de fondos
de feito a puntuación obtida (79,20%) é dabondo alta, si ben as datas
(que coinciden co remate dun período e o principio de
outro) sen dúbida non son
nada propicias.
Neste segundo proxecto
é máis importante, si cabe, diferenciar entre xestión (garantida pola
diputación de A Coruña) e inversión (que é o que se plantexa
no expediente Proder).
De forma subsidiaria esta inversión podería cubrirse
por outras entidades públicas ou
pola propia asociación, pero o proxecto-inversión
sufriría, sin duda, una merma considerable.
Conclusions
Non é un intre especialmente
oportuno para elevar conclusions, xa
que logo, para apoiar
estos dous importantes proxectos;
o de Poio parece que xa deu o seu pistoletazo de saida, pois xa
reune casi todolos fondos
para face-lo efectivo, no de Sada aínda non recabou todolos fondos, hai fondos aprobados pero indispoñibles,
non obstante, é decisión firme da asociación afrontar os dous
proxectos na medida en que
as inversiones sexan posibles. E evidente que o non
poder planificar de inmediato as situacións e os
fondos supondrá un problema, pero nós non imos a deternos por elo, Inclusión crecerá considerablemente.
As inversións fixas
subvencionables a realizar nestes dous
importantes proxectos galegos
serán cubertas en porcentaxes
elevados (máis do 75%) por fondos públicos. No caso
do CISI de Poio se comezará
a dispoñer deles en breve,
contra a oportuna realización das obras
descritas e no caso de Sada, agardaremos o levantamento das reservas sobre o emprego
de estes fondos por parte da nosa
Asociación.
O terceiro proxecto
nace agora e tentará ser o primeiro no que Inclusión aborde a cooperación
internacional en Santa Fe (Mexico).